Wä kennt en Kölle die Superfrau
Met däm unwahrscheinliche Körperbau
Wä hät jedanz, jesunge un Theater jemat
Und keinem noh d'r Schnüss jeschwat?

Wä hät sich janz einfach op en Insel verkroche
Un deit jetz e besje für de Aape koche
Wä dichtet nur noch en d'r Hängematt
Un schlät die Fidjifleeje platt?

Aloha Tutti Titti Tippi Wai!

Met däm Häupling hät et nur noch Kölsch jeschwat
Doch dä hät nur "De Hanana - de Hänänä" jesaat
Dat hät et ävver nit op sich setze loße
Zor Strof mot d'r Häupling ihr Matratz opblose

Trudi, Aloha Tutti, Titti, Tippi, Wai!

Wenn et Trudi meddachs en de Südsee jeit
D'r Hai sich op et Fröhstöck freut
Ovends steit et of jenoch am Strand
Un baut sich singe Dom us Fidjisand

Un kütt ad widder ens en Flaschposs
Vun irjend su 'nem Plaateboss
Dann scheck im doch einfach en schön Kasett'
Met Dingem Häupling im Duett

Trudi, Aloha Tutti, Titti, Tippi, Wai!

Mir stecke bes zom Hals he en däm Kumulus
Un die Sprüch kummen einem an de Uhre 'rus
Denn en Kölle wed et langsam höchste Zick
Dat m'r endlich widder richtich an et Lache kütt

Trudi, Aloha, Tutti, Titti, Tippi, W